يا أمنـــــــا ( بمناسبة عيد ست الحبايب )

يا أمِـــــــــــــــــــــــنـــا

إنتي اللي حبك زي نور في قلبنا

..........................يا أمنا يا أحلي حاجه ف الوجود

إنتي الحنان وانتي السرور وانتي الهنا

.......................وانتي اللي حبك باقي من جد الجدود

انتي اللي حضنك كان تمللي ف حضننا

.........................تحمينا م الأخطار ولو كانت أسود

كنتي تربي كل واحد مننا

..........................زي المُرَوِّض لما بيروض فهود

مستحمله أهواء كتيره مننا

......................إن كان كبير أو كان صُغيَّر أو وليد

بتصبي جوه عقولنا أفكار قيِّمه

..............................بالود مره ومره تانيه بالوعيد

وان يوم صادفنا مشكله أو معضله

.............................نلجأ إليكي زي واد خايب بليد

تليفون نقولك إلحقينا يا أمنا

........................لو مش حنقدر يبقى نرسِل بالبريد

بنلاقي فورًا رد طاير في الهوا

.........................بيكون تمللي رأى كافي أو سديد

وان تهنا يوم أو حتى ضاعت مننا

..........................كل الطرق إللي ترجّع من جديد

نلقي منارك ضوء بيبحث عننا

.....................نفرح ونيجي عليكي نجري من بعيد

ياما يا أمي كنتي قاعده جنبنا

........................طول الليالي لو مَرَضنا كان شديد

بالميه بارده تملـِّسي على خدِنا

....................لما الحراره بتبقى نافضه في الوريد

كنا نحس ف كل لمسه بالشِفا

..................أصل الحنان عندك بيسري ف كل إيد

وعنيكي تسهر طول ما إحنا ف العَيَّا

............................متنمش أبدًا الا ما يغادر أكيد

يا أمي إحنا رضعنا منك الجَلد

...................وعرفنا منك يعني إيه معنى الصمود

يا أمي دايمًا تزرعي فينا الأمل

...........................حتى الجهاد حفظتهولنا بالنشيد

وعرفنا منك يعني إيه حب الوطن

.......................لما المُدافع عن بلاده يموت شهيد

خليتي فينا القلب شوقه بيتنفِض

....................عاوز يدوق النصر أو حتى الخلود

ربيتي فينا ازاي نخاف من ربنا

......................أكدتي فينا ازاى نحافِظ ع العهود

ما انتي يا أمي كنتي أصلا ً أمنا

......................من عصر آدم حتى آخر يوم جديد

إنتي الحياه وانتي الأمان وانتي الأمل

..............وانتي السلام وانتي الدوام وانتي الخلود

وانتي الإيمان وانتي السند وانتي الجَلد

...........وانتي اللي علمتي الصمود معنى الصمود

وعشان كده فالمصطفى وصى قوي

........................فالأم فيها عطفه بتكـَفـِّي الوجود

أمك فأمك ثم أمك للأبد

.................وعشان ما تنسي إبقي دايمًا قول وعيد

إللي يعينه ربنا يخلي له أم

.................تدعيله طول اليوم وفي وسط السجود

الدعوه منها كنز مدفون في السما

.........................يفتح ويقفل لما هيَ ف يوم تريد

لو رضيت امك أو دعتلك ينفِتح

......................والدعوه ترجع باستجابه من المجيد

الأم أم ف كل مله وكل دين

.......................حتي ولو كانوا زنوج أو م الهنود

أو من أميركا أو أروبا واليابان

.......................أو من هولاندا أو بولاندا أو سويد

أو صين وكوريا واستراليا أو يمن

.....................أو م البحيره أو منوف أو بورسعيد

أو أقصى حِته مطرّفه ف آخر البلاد

.....................عند الصعيد أو في بلاد بعد الصعيد

الأم هيَّ الأم مخلوق من دهب

.........................علشان كده الدنيا بتعمل ليها عيد

*****************

إنتي اللي حبك زي نور في قلبنا

..........................يا أمنا يا أحلي حاجه ف الوجود

إنتي الحنان وانتي السرور وانتي الهنا

.......................وانتي اللي حبك باقي من جد الجدود

انتي اللي حضنك كان تمللي ف حضننا

...........يا أمنا يا أحلي حاجه ف الوجود

إنتي الحنان وانتي السرور وانتي الهنا

.......................وانتي اللي حبك باقي من جد الجدود

انتي اللي حضنك كان تمللي ف حضننا

» بمناسبة الذكرى 156 لصدور البيان الشيوعي
» مرة اخرى سيصهر الحديد وستنتصر ارادة الشعوب بمناسبة محاولة فض اعتصام الميداين المصرية وسقود عدد كثير من الشهداء شهداء الحرية
» بمناسبة‮ ‬ مئوية ميلاده‮:‬ مراسلات بارت وألبومه في كتاب
» اتحاد كتاب الإنترنت العرب يحتفل بمناسبة مرور عام على تأسيسه
» هل الرأسمالية هي نهاية التاريخ؟ بمناسبة منح الزميل والمفكر الكبير د. سمير أمين جائزة أبن رشد التقديرية في برلين بقلم أ. د. كاظم حبيب

يا أمنـــــــا ( بمناسبة عيد ست الحبايب )

يا أمنـــــــا ( بمناسبة عيد ست الحبايب ) :: تعاليق

يا أمنـــــــا ( بمناسبة عيد ست الحبايب )

مواضيع مماثلة

مواضيع مماثلة