تعظيم سلام

تعظيم
ســــــلام

أنا مين أنا في وسط كون

أنا إيش أكون

كائن بسيط

جوَّه المُحيط

مليان شجون

مليان قلق

شايل هموم

من قبل حتى ماينخـَلـَق

بدَأ الحياه

في حُضن كوم

واما ابتدا ف المشىْ
تاه

شامِم سموم

نايم جعان

طول عمره خايف م
الحيتان

اللي بتاكل كل يوم

ناس م البشر ملايين ألـُوف

حواليها واقفه دياب
كتير

وكلاب من الحجم
الكبير

تِستنى لما تِنتِهي
كل الحيتان

من أكلها

واقفه تزوم

لاكن بخوف

وف أى فرصه
تلوُحْلها

تهجم على الشعب اللي
كان

دايمًا جعان

تِنهش في باقي
لحمِته بكل امتهان

وانا وسطهم لا شيء
.. ناموسه

مااحتمِلشي أى دوسه

وأى عضـَّه م
السِنان

أنا كل ما أملك لسان

بس انخـَرَس

علشان جبان

أنا إيه أنا في وسط
كون

أنا مين أنا وسط
النجوم

وسط الفضا بين
السكون

أنا إيش أكون

وسْط المجرات ف
السما

إنسان بسيط .. مخنوق

لو جيت أبُّص ف يوم لفوق

علشان أشوف طلعة
شروق

علشان أعيش إنسان
واسوق

مركب حياتي المتعبه

ألقى السجون

مزروعه ميت مليون
خازوق

في الإنتظار

الناس هناك جوه
اللومان

لو حد فيهم يستجار

لازم يدوق

طعم الهوان ..
والإمتهان

لازم يطاطي

ينضـَرَب فوق القفا

واللي يعارض

ينسحب خلف البيبان

وتحوَّطـُه كل
الحيطان

وتضِيع حياتـُه ف
الخـَفا

ـــــــــــــــــــ

أنا مين أنا وسْط
السجون

حشره .. ذبابه

في أي لحظه بالمبيد

أصبح عدم

أنا إيه أنا وسط
العِباد

أنا شيء مُكرر ..
شيء مُعاد

واحد وماشي مع البشر

لكن جماد

دايمًا في آله بينعِصر

عايش كميِّت في
البلاد

ماشي وحيد رغم الزحام

وحياته غرقانه ف
ظلام

أما المكان

العتمه فيه طاغيه
على ضوء النهار

ويُفـَط كتار

مكتوبه فوق كل
الديار

وعلى الحيطان

والأعمِده

وسْط الطريق

مكتوبه بالخط العريض

بكتابه واضحه
منوَّره

فيها البريق

( ممنوع تجاهِر
بالكلام

والإبتسام

حتى النفس

ولا حتى تتمنى
الحياه

كل اللي مسموح تِترفِع

إيدك بتعظيم السلام
)

************

على
الحيطان

والأعمِده

وسْط الطريق

مكتوبه
بالخط العريض

بكتابه واضحه
منوَّره

تحية نضاليةاخ مسعد

سميح القاسم كتب:: على
الحيطان

والأعمِده

وسْط الطريق

مكتوبه
بالخط العريض

بكتابه واضحه
منوَّره

تحية نضاليةاخ مسعد

شكرا جزيلا اخي الشاعر سميح القاسم
اسعدني تعقيبك الحار
مع خالص التحية

تعظيم سلامل لك استاذ مسعد
ولروحك الطيبة
بارك الله فيك اخي

هشام مزيان كتب:: تعظيم سلامل لك استاذ مسعد
ولروحك الطيبة
بارك الله فيك اخي

وألف تعظيم سلام لك أخي العزيز هشام مزيان
أشكرك شكرا جزيلا لذوقك الجميل وكرمك
مع خالص مودتي

الاستاذ مسعد
كلماتك كشلال من نهر الحقيقة يتدفق إلى ارض الواقع الذى نتخبط بها ولا ندرى إلى أين سينتهى بنا الحال ونرى النور

سليمان محمد شاويش كتب:: الاستاذ مسعد
كلماتك كشلال من نهر الحقيقة يتدفق إلى ارض الواقع الذى نتخبط بها ولا ندرى إلى أين سينتهى بنا الحال ونرى النور

شكرا اخي العزيز الأستاذ سليمان محمد شاويش على زيارتك العزيزة لصفحتي ..
وأنا أقول رغم هذا التخبط فالأمل في الله كبير
مع خالص تحيتي وتقديري

» سلام على الدنيا:
» سلام بين الاهرام دانيال ليفي
» الإبراهيمي: حرب أهلية بسوريا ولا قوة سلام
» زيارة البابا... رسائل سلام ام وساطة تهدئة؟
» سلام الى روح المناضل نيلسون مانديلا زهير الخويلدي

تعظيم سلام

تعظيم سلام :: تعاليق

تعظيم سلام

مواضيع مماثلة

مواضيع مماثلة