الشباب يعمل إيه

الشاب يعمل إيه

ياللي ظلمتوا البلد .... وظلمتوا أولادهــــــا
نازلين عليها هدد .... وتهدِّدوا وجودهـــــا
خيْراتها من غير عدد .... قـُمتوا بتبديدهـــا
وشبابها يوم مااتوَّلد .... نازل ف إيدُه قيـود
ــــــــــــــــ
مين في البلد مسئول .... راعَى حقوق الغير
يجعل إيديه بتطـُول .... من بلدُه حَبَة خيـــر
يعمِل بدون ما يقول ... مش يسعَى للتصوير
أو يتقِن التهويل ..... في كتابة التقريــــــــر
بكلام يكون معمول .. بحاجات ماليها وجود
ـــــــــــــــــ
يبقىَ الإيراد مسروق .... ويقول عليه كسبان
وبكل قلة ذوق ...... بيجيب كمان برهـــــان
ويزيد عليه ويسوق .... في الكِدب والبُهتــان
وان جت لِجان من فوق .. تلقى الرصيد خربان
والمخزن المحروق .... ولـَّع ما شافـُه شهـود
ـــــــــــــــــ
مشاريع كتير تنعَمل .... لاكن بدون عايـــده
وبدل زراعة الأمل .... تلقى النفوس قايــــده
الخطة ما بتكتمَل ...... وتضيع بدون فايـــــده
ويقولوا أصل العِلل .... سكان كتير زايــــــده
آخرتها يظهَر خلل ..... ف الخـُطه والمـردود
ـــــــــــــــ
قالوا الصحاري كتير .... فوق التلـَت تِخمــــاس
والخـُمْس وادي صْغِير .... مزحوم بكل النـــاس
وعشان يكون فيه خير .... لازم نشيل الفــــاس
ووزارة التعمير .... فيها الخطط أكـــــــــــداس
لاكن نهاية الدُور ..... نلقى الطريق مســـــدود
ــــــــــــــــــ
وان جه رجُل أعمال .... لاكن نزيه وأميـــــن
بينفذ الأعمال ...... من غير سلف أو ديــــــن
هيلاقي ميت موَّال ...... من تعليمات وروتين
يصرف ف راس المال .... ع الرسم والتأمين
آخرتها تلقاه قال ..... عمره ما يوم ما يعــــود
ـــــــــــــــــــ
أموال بنوك تنسرق .... على بره وبتهْــــرب
والناس هنا بتنحرَق .... خايفة البلد تِخـْــــــرب
مليانه غم وقلـَق .... عايشه ف ظروف أصعب
رغم ان كوننا اتخلق .... بالأكل والمشـْـــــرَب
لاكن لصوصه ف سبَق .... واللي سبق بيسُـود
ــــــــــــــــــــ
الشاب يعمِل إيــــــــه .... وهموم مَلِت بالــُــــه
هيعيش حياته بإيــــه ..... ويجيب منين مالـــُـه
إدُّوا الشهاده ليـــه .... وسابوه يشوف حــالـُـــه
لاكن وظيفة بيه ......... للي النقيب خالـُــــــــه
واللي مالوشي عليه ...... بالخالق المعبـــــــود
ــــــــــــــــــــ
ليه الشباب ينهـــــان ...... ليه تظلموا الخريـج
ليه حالة التوَهَـــــان ...... واللِعْب والتهريــــج
الشاب دا إنســـان ........ مش حاجه للتتليــــج
ليه تجعلوه فقران .... عايش بحال معــــــووج
مش مِنـَّه أو إحسان ...... إنه يعيش مسعــــود
ــــــــــــــــــــ
الشاب بعد اليأس ...... إللي عليه ظاهـِــــــــــر
من بعد حالة بؤس ....... ميقِرِّهاش كــــــــافِر
وسببها عقدة نقص ...... من إعتداء سافــــــــر
ساب المرار في الكاس ..... مليان وراح سافر
أصبح هناك كالتِرس ..... طول النهار مكـدود

***************

الاخ المبدع الكبير اشكرك على هذا الابداع الوفير ماشاء الله
نصوص متميزة ذات قضية انسانية
بارك الله فيك وفي مجهودك

يبقىَ الإيراد مسروق .... ويقول عليه كسبان
وبكل قلة ذوق ...... بيجيب كمان برهـــــان
ويزيد عليه ويسوق .... في الكِدب والبُهتــان
وان جت لِجان من فوق .. تلقى الرصيد خربان
والمخزن المحروق .... ولـَّع ما شافـُه شهـود
ـــــــــــــــــ

الاستاذ المحترم مسعد شكرا لك
الواقع انني استفيد واستمتع كثيرا بعبر نصوصك

سميح القاسم كتب:: الاخ المبدع الكبير اشكرك على هذا الابداع الوفير ماشاء الله
نصوص متميزة ذات قضية انسانية
بارك الله فيك وفي مجهودك

اشكرك اخي الشاعر سميح القاسم
الف الف شكر

الحلاج كتب:: الاستاذ المحترم مسعد شكرا لك
الواقع انني استفيد واستمتع كثيرا بعبر نصوصك

انه شرف كبير اي ان تقول ذلك اخي الحلاج
شهادة اعتز بها من اخ كريم
الف الف شكر

ونتها بلون حنائك
هل تنصتين00؟
اسمع بوح الروح للروح
اسمع خرير المشاعر
فلنبقى في الذاكرة
طالما أن الوص

هشام مزيان كتب:: ونتها بلون حنائك
هل تنصتين00؟
اسمع بوح الروح للروح
اسمع خرير المشاعر
فلنبقى في الذاكرة
طالما أن الوص

شكرا جزيلا اخي العزيز هشام مزيان على كلماتك البليغة
مع خالص تحيتي ومودتي

» كيف يعمل: المكروويف؟
» هل تساءلت من قبل؟ كيف يعمل الصوت؟
» كيف يعمل الانسولين في الجسم‎(مبسط)
» روبوت يعمل بواسطة دماغ دودة تمت زراعته فيه!
» مهندسون يبتكرون جهاز كمبيوتر يعمل على قطرات الماء

الشباب يعمل إيه

الشباب يعمل إيه :: تعاليق

الشباب يعمل إيه

مواضيع مماثلة

مواضيع مماثلة