نور البدر

نور البدر

لما نور البدر يمحي
ضلمة الليل الحزيــــــن

تبتدي الأزهار
تزهزه بالجمال على كل لون

والقلوب تتهز ترجف
رجفة الشوق والحنين

والغرام بين
الحبايت يبقى باين في العيـــون

ألقى نفسي يا حبيبي
زيُّهم مشتاق إليـــــــــك

وافضل احلم إني
أقابلك بس قولي ازاي وفين

ــــــــــــــــــــ

واسأل البدر اللي
خبَّى في السما باقي النجوم

إنه يبحث ليا عنك
كل ليله وكل يــــــــــــــوم

وابقىَ مستنيك
بشوقي والعيون ما يجيلها نوم

والقى نفسي في بحور
اليأس مش عارف أعوم

ليه تسيبنا يا
حبيبي مشغولين دايمًا عليــــــــــك

مشتاقين نرجع نشوفك
والسعاده بيك تـــــــدوم

ـــــــــــــــــــــــ

الطيور تدخل بيوتها
تستعد ليوم جـــــــــــــديد

والنسيم يحمل عبيرك
جايبه منك من بعيـــــــد

والجميع مستني إنه
يشوف جمالك من جديـــــد

دا انت يوم ما تبان
وتظهر يبقى بالنسبه لنا عيد

واحنا كل أملنا
نرجع ننسحر بجمال عينيــــــك

ننسى كل الدنيا
نسكر حبه ونتوه في الوجــــود

ـــــــــــــــــــــــ

كنت اشوف الدنيا
حلوه والجمال فارد قلوعـــه

والقمر فرحان وقايد
كل أنواره وشموعــــــــه

والجميع ساكن وساجد
في صلاته وفي خشوعه

كنت اشوف الكون
كأنه مرتدي فستان ربيعــه

يا حبيبي لما كان
القلب موجود بين إيديــــــك

ليه النهارده وهوه
شاري إنت ببعـــادك تبيعه

ـــــــــــــــــــــــ

يا ترى الأيام
هترجع تاني وتشوفك عينينــــــا

وانت عامل زي بحر
بعيد متوصلوش سفينـــه

بحر واسع بس غامض
حتى ملهوش أي مينــا

يا ترى إمتى الزمان
يكشف مكانك والمدينــــه

يكشف الدرب اللي
نمشي فيه يوصلنا إليـــــك

وف نهايته مهما طال
نلقاك وتطلع مش ناسينا

*********

روعة وجمال يا استاذ مسعد
احساس رائع ومعانى جميلة
سطرتها بإتقان ومشاعر نبيلة
دمت بخير

سليمان محمد شاويش كتب:: روعة وجمال يا استاذ مسعد
احساس رائع ومعانى جميلة
سطرتها بإتقان ومشاعر نبيلة
دمت بخير

شكرا جزيلا اخي استاذ سليمان
شرفتني واسعدتني وابهجتني بهذا المرور الجميل
الف الف شكر

لما نور البدر يمحي
ضلمة
الليل الحزيــــــن

تبتدي الأزهار
تزهزه بالجمال على كل لون

والقلوب
تتهز ترجف
رجفة الشوق والحنين

والغرام بين
الحبايت يبقى
باين في العيـــون

نور البدر

نور البدر :: تعاليق

نور البدر