سيول .. سيول

سيول .. سيول

سيول نازله تِهْدِم بيوت في الشمال ................

................ سيول شرِّدت بالمئات في الجنــوب

بتنزل تفتِت صخور الجبال ........................

................ وتِجري على الناس بسيلها الرهيب

تخليها مرعوبه زي العيال .........................

....................... وهاجم عليهم متين ألف ديب

وحتى البيوت الصُغار والطوال ....................

.................... ما تقدرش تـُصْمُد وفورا تدوب

بمنظر يخوِّف يفوق الخيال ........................

......................... ينسِّي المُتيَّم غرام الحبيب

ــــــــــــــــــــ

وهيئه بتـُرْصُد وف إديها ساعه ...................

................... وتِنـْذِر بوقت السيول اللي جايه

ومركز تنبؤ وزارة الزراعه ......................

.................... بيعرف مكان كل عزبه وقريه

ووصُّوا ولاكن بلـُطـْف ووداعه ..................

................ بلاش البيوت اللي في الوادي دِيَّه

وقالـُم دا مجرَىَ السيول يا جماعه ...............

...................... ولازم نكون برَّه عنـُه شوَّيّه

مهياش بطوله ومهياش شجاعه ..................

..................... نوَّقِف بيوتنا أمام سيل رهيب

ــــــــــــــــــ

وفي كل مرّه تجينا السيول .......................

..................... تدمَّر منازل في مجراها عادي

وتِمشي وسايبه المخرَّات دليل ...................

.................... ومجرى معلـِّم حدود كل وادي

بنفس السذاجه اللي ملهاش مثيل .................

..................... يعود المواطن بشكل اعتيادي

في نفس المكان يبني منزل بديل .................

.................. عشان أصبح الجو ساكن وهادي

وينسى تماما حكاية السيول ......................

.................... وينسى ان بكره هتظهر عيوب

ـــــــــــــــــ

ولاكن تعالوا نشوف المُصيبه ....................

................... وإيه اللي خلاها تصبح كوارث

تلاقي مخاخ البشر فيها طوبه .....................

................. برغم ان فيها اللي عارف ودارس

وفيها المفتـَّح وناصح أروبه .......................

.................. وفيها اللي تايه ولا حتى حاسِس

بأن السيول تيجي تعمل مصيبه ..................

................... فجائي وفي وقت ضيَّق وكابـِس

ودايما تدمر وفي كل نوبه .........................

....................... بيبنوا ومحدش يحاول يتوب

ـــــــــــــــــــ

ونرجع نقول الحكومه اللي نايمه ..................

............ وعارفه انه فيه سيل هييجي السنه دي

وعايشه حياتها في حالها وهايمه ..................

......................... وقاعده تغني بلادي بلادي

وتيجي السيول والبلاد تبقى عايمه .................

......................... فتبدأ تفوق أو تحث الأيادي

وتسْلـُك سلوكها بعادتها اللي دايمه .................

................... تعوَّض بشيء بس هايف ومادي

وترمي على حد غيرها بلايمه .....................

.................... وترجع تنام تاني نومها العجيب

***********

الاخ المبدع الكبير اشكرك على هذا الابداع الوفير ماشاء الله
نصوص متميزة ذات قضية انسانية
بارك الله فيك وفي مجهودك

مسعد النحلة كالنحل تماما في جده وكده وعسله الجميل من اشعاره
شكرا سيدي

سميح القاسم كتب:: الاخ المبدع الكبير اشكرك على هذا الابداع الوفير ماشاء الله
نصوص متميزة ذات قضية انسانية
بارك الله فيك وفي مجهودك

شكرا جزيلا اخي الشاعر المتالق دائما سميح القاسم
انما هذا من بعض ما عندكم
اشكرك شكرا جزيلا

حياة كتب:: مسعد النحلة كالنحل تماما في جده وكده وعسله الجميل من اشعاره
شكرا سيدي

شكرا اختي الفاضلة المبدعة دائما حياة على هذا الإطراء الجميل
سعدت بمرورك وتعقيبك
دمت دائما بود

اخ مسعاد استاذنا الكبير واللع تمتعنا كثيرا دائما متميز صبور ومتوفق شكرا لك

سيول .. سيول

سيول .. سيول :: تعاليق

سيول .. سيول