[centeالمُهـَــــــــاجر
هاجـِر عشان طمعان يعيش مبسوط وآخر فخفخــه
ملقاش هناك غير كوم غسيل واطباق كتير متوَّسخه
اضطر يبقىَ مرمَطون واليوم بطولـُه مَلـْطـَخـَـه
علشان يحَوِّش كام دولار يقـْطـَعْلـُه بيهم تذكـره
يرجع لبلده بعد ما تكون كل نِفسه مشرَّخـَـــه
ـــــــــــــــــــــ
سايب بلادك ليه ورايح تشتغل ف بلاد بعيــــد
دا انت في وطنك محترم لاكن هناك زي العبيــــد
عمَّر في بلدك وابتِدي صلـَّح في وادي يكون جديــد
دا الخير في أرضك خير كتير عاوز أيادي تخرجُـــــه
عاوز عزيمه من فولاذ وإراده تـُحْفـُر في الحديــد
ــــــــــــــــ
لو بس يصْحَى الانتماء ويكون شعارنا كلنــــــا
ونخاف على ثروة بلدنا ونفتِديها بدمِّنــــــــا
ونزوِّد الانتاج ونِرفع من كرامة أهلِنـــــــــا
نحجز مكان بين الكبار والحاله تبقى منعنِشـَــــه
ونعيش في أحضان الوطن ولا إن حد يذلـِّنـــــــا
************
r][/center]
المُهاجـِـــــــر
أمس في 1:39 pm من طرف