باكرهك أوي يا حمار

يا حمار يا حمار

باكرهك أوي يا حمار

كده برضه تسيبهم... يلحسوا مخك يا حمار
عمرو خالد والقرضاوي... والبدري وسي زغلول النجار
وكل دجال من أمثالهم... أفّاق جاهل أو أرزقي منشار
أونطجي حلنجي أو منافق محتال... كدّاب مدّعي أو فشّار معّار

كده برضه سحبوك... ورا أسيادهم أصحاب البترودولار
علشان ما انت حليم وطيب... وعمرك ما كنت مكّار
بلفوك بالكلام المعسّل... وقصور الجنة ونسوان بالقنطار
أو بالتهديد والتخويف... من عذاب جهنم وإنتقام الجبار

بقي لي كتير بحذّرك... وبعت لك ألف إنذار
خلّي بالك من الناس دي... لحسن دول عالم أشرار
طوّلت عليهم بالك أوي... وسكت لهم سنين كتار
لحد ما ركبوا على نفسك... وبركوا بعزيمه وإصرار

أهم خرّبوا مخك... وحرّموا عليك أي حوار
يقولوا لك تمشي على هوانا... يا كده يا تروح النار
لبست زيّهم يا مدهول... وربّيت دقنك تلات أشبار
ودي لسّه برضه بداية... والمصيبه في آخر المشوار

خلّوك تكره نفسك... وتعادي سابع جار
قالولك ده من الضالين... وده أصله من الكفّار
وده لابد تحاربه مع إنه... طول عمره من الأخيار
دقّوا الإسفين في الأمة... وزنّوا على خراب الدار

كل ده وساكت لسه؟ بكرهك أوي يا حمار

رباعيات حسن الهلالي الحلمنتيشية

يا حمار يا حمار

كده برضه تسيبهم... يلحسوا مخك يا حمار
عمرو خالد والقرضاوي... والبدري وسي زغلول النجار
وكل دجال من أمثالهم... أفّاق جاهل أو أرزقي منشار
أونطجي حلنجي أو منافق محتال... كدّاب مدّعي أو فشّار معّار

كده برضه سحبوك... ورا أسيادهم أصحاب البترودولار
علشان ما انت حليم وطيب... وعمرك ما كنت مكّار
بلفوك بالكلام المعسّل... وقصور الجنة ونسوان بالقنطار
أو بالتهديد والتخويف... من عذاب جهنم وإ

باكرهك أوي يا حمار

باكرهك أوي يا حمار :: تعاليق

باكرهك أوي يا حمار