يـا أمه كــــــــــانت

يا أمَّــــــه كانِــــــت

يا أمَّه كانِت من قرون ....................

..................... أمَّه عظيمه ومُشـْرقه

أمجادها في كتـُب التاريخ .................

................... مِتـْسَجِّله ومِتوَثـَّقـــــــه

كان لما أخ يشوف أخوه ...................

.................... تِلقىَ العيون متشوَّقـَـه

ويشِد على إيدُه بحماس ....................

.................... وبيلتقاه أحسن لـُقـَــــا

وف عيدها كان كل البلاد .................

.................. مع بعض تِبقىَ مزوَّقـَــه

ليه النهارده اتقسِّمِت ......................

..................... وبقِت بلاد متفرَّقـَـــه

وفتحنا للصهيوني باب ...................

...................... يدخل بعين مِتجرَّأه

يبني لومان يفتح سجون .................

.................. ويقِيد علينا المَحْرَقـَـه

ليه سيبنا نفسينا نكون ...................

................. بين سنديان والمطرقـَـه

ليه سيبنا للغرب الحقوق ................

................... يُمْضـُغ عِظامنا بنأنأه

يشرب دمانا ف كاس كبير .............

................... يعمِل دِماغ متروَّقـَـه

ليه يا عرب وبضعْفِنا ..................

..................... أصبحنا آخِر مَهْزأه

ـــــــــــــــــــــــ

يا أمَّه قامِت من قرون .................

................ شعِّت على البشريَّه نور

عملِت حضاره وبالسلام ................

............ غرسِت علومها من الجذور

نشـَرت إيمان مش بالكلام ..............

............... لاكِن بإشعاع في الصدور

طِلِع النهار زاغ الضلام ................

.............. دخل الضلال جوَّه الجحور

قِدِرت تصيغ معنىَ الأمان ..............

................ نزعِت من الدُنيا الشرور

قادِت ف كل مجال فنار .................

................ من غير تعالي أو غرور

لاكِن ف غفله من الزمان ................

................. طوق القـَدَر يرجَع يدُور

والمارد العملاق ينام .....................

................. ويصيبُه إحساس بالفتور

يطـْلـَع عليه شوَيِّة فيران .................

................. كانِت بتِلـْبَد في الجحور

حِطـِّت ف بُقـُه كاس وكان ..............

................... مليان لآخرُه بالخمُور

سِكِر العَرَب نسْيُّوا اللي كان ............

.................. ومعدشي ليهم أي دور

والغرب سيطر ع البلد ..................

................. وقعد يجَهـِّز في القبُور

وعمل حدود ملهاش أساس ............

.................. ولكل دوله بقالها سور

زرعوا ما بينهُم ناس يهود ............

................ مَنـَعُوا الأشِقاء م العبور

ـــــــــــــــــــ

يا أمه كانت من قرون ................

................ والإسم كان بلـَد العرب

وعشان بقت متشـَتـِّتـَه .................

................ هيَّ النهارده بتنضـَرَب

كان صرحها عالي ومهيب ............

.................. إنهَد خالِص وانخـَرَب

والغرب من بعد الظلام ................

.................... حفظوا العَلام اللي انكتب

صحيُّوا من النوم وابتدوا ....................

...................... يتعالجوا من داء الجَرَب

مِشيُّوا وبـِقيُّوم ف الأمام ......................

............................ واحنا هِنا ياللعَجَب

سيبنا الحصان فيه اللجام .....................

................. ركب الخسيس فوقـُه وهَرَب

بعد السنين رجع المكان .....................

..................... شخصيه تانيه وقام خـَطـَب

ومعاه غواني من الحِسَان ......................

...................... عَمَلوا من الفحشاء طـَرَب

بس اللي خبَّاه عنـِّنا ..........................

........................ كانِت مكيده بتِتـْلـَعَب

عباها في كاس الندم ........................

.................. ممزوج بخمره من العِنب

واحنا بسذاجة عقلِنا ........................

..................... لقيناها حلوَّه وتِنـْشـَرَب

***************

اخ مسد لبمد مي ما كبت والع ارك اله يك ه>ا حال امة لم يبقى منها الا جثة هامدة تنمظر الدفن

هشام مزيان كتب:: اخ مسد لبمد مي ما كبت والع ارك اله يك ه>ا حال امة لم يبقى منها الا جثة هامدة تنمظر الدفن

أشكرك أخي هشام على ردك الجميل
وسبحان الذي يحيي العظام وهي رميم

يا أمه كانت من قرون ................

................ والإسم كان بلـَد العرب

وعشان بقت متشـَتـِّتـَه .................

................ هيَّ النهارده بتنضـَرَب

حراني كتب:: يا أمه كانت من قرون ................

................ والإسم كان بلـَد العرب

وعشان بقت متشـَتـِّتـَه .................

................ هيَّ النهارده بتنضـَرَب

شكرا اخي حراني عليى مرورك المشرف
مع تحياتي

كان لما أخ يشوف أخوه ...................

.................... تِلقىَ العيون متشوَّقـَـه

ويشِد على إيدُه بحماس ....................

.................... وبيلتقاه أحسن لـُقـَــــا

ابو مروان كتب:: كان لما أخ يشوف أخوه ...................

.................... تِلقىَ العيون متشوَّقـَـه

ويشِد على إيدُه بحماس ....................

.................... وبيلتقاه أحسن لـُقـَــــا

شكرا جزيلا على مرورك الكريم اخي ابو مروان

كان لما أخ يشوف أخوه ...................

.................... تِلقىَ العيون متشوَّقـَـه

ويشِد على إيدُه بحماس ....................

.................... وبيلتقاه أحسن لـُقـَ

يـا أمه كــــــــــانت

يـا أمه كــــــــــانت :: تعاليق

يـا أمه كــــــــــانت