فريق بلــــــدنــا
الكل ثاير مبسوط وساهِر ..................
.................. وكأن فيه في الدنيا عيـــد
والفرْح باين ف عيوننا ظاهِر .............
................ والرايه طايره في كل إيــد
تِتهز فوق والكل شاهِـر ...................
............... رايته وفيها شعار مجيـــــــد
كانـُم جونين فعلا ً بشايِّر ..................
................. والفوز هناك هيكون أكيـد
قاعدين يومين والكل صابـِر ...............
.............. مستني يفرح ويكون سعيـــــد
دا فريقنا شارخ بقطر طاير ................
.............. من فوق طريق قـُضبان حديد
حالِف يكون في الماتش عابـِر .............
.............. للمونديال علشان يعيـــــــــــد
أمجــادنا عام تسعين وغابـِر ...............
............. ويعيد حلاوة لِعب العميـــــــــد
دا حسام وكان فِروِّد وشاطِر ..............
............... بس النهارده أسلوب جديـــد
أولاد تعدِّي وسْط المخــاطِر ...............
............... عزيمه جامده وقلوب أسُود
بقيُّوم كواكب وشعاعها باهِر .............
............... عدَّىَ بضياؤه بره الحـــدود
أولاد حقيقي زي الجواهِر ................
............... مِستاهلـَه بوسه فوق الخدود
يا فريق بلدنا دايما ًتِعافِر ..................
............... والعزم عندك يصنع صموُد
وف أي ملعب جامِد وقادِر ................
................ إنك تقدِّم أحلـــى العُـروض
دايما ً في لِعبك إنت المُبادِر ...............
............. تبدأ تهاجم زي الفهـــــــــــود
وسط المصاعِب بين المجازر ............
........... الخوف في قلبك ملهوش وجود
وان كان فريق كورة الجزاير ............
.............. هوَّ اللي قالوا عنه الأسُــــود
فاحنا الفراعنه وتاريخنا ظاهِر ...........
.............. والأهرامات كانت شهـــــوُد
يا شعب ياللا إفرح وجاهِر ...............
................... قابل فريقك وكوُن ودود
سلـِّم عليهُم واعمل مظاهِر ...............
............... واحدِف عليهُم زهر وورود
وهات بخور واملا المباخِر ..............
............. علشان تبخـَّر من عين حسود
يا رب دايما ًفريقنا عامِر .................
................. بمحبه ليك ملهاش حــدود
يدعي ف صلاته ويقول يا قادر..........
..................... إحمينا من حقد الحقــود
ولما يحرز أهداف يجاهِر ..................
................. بشكره ويطيل في السجــود
***************
فريق بلدنــــــــا
أمس في 5:45 pm من طرف