1
تخنقك هذه البلاد
كحبل غسيل صدئ،
يلتفّ حول أيامك
ويحوّلها جثثاً
تعوم على أرقامها.
2
كان بإمكانكم أن تأخذوا حروبكم بعيداً عنا.. وتتواجهون كشرفاء وبعيداً عنا أيضاً..
أين…!
في أي مكان خارج حياتنا.
3
ما زالتُ تعدّ للعشرة.. وتعنيكْ..
تعدّ للمئة.. وتشهقكْ..
تعدّ للألف.. وتنطقكْ..
تعدّ البلادَ.. والعبادَ.. الشّعر.. والحبّ.. ومنتهى عواصمكْ..
تعنيكَ.. وتبكي أحياناً.
4
وتودّ لو ينام نعاسها
بين يديك.
5
نعيش على ركاماتنا
بشغف ما مضى
وأسى ما سيكون.
6
تستيقظ صباحا
لا تلوي على شيء
سوى أن تتوقف الأخبار العاجلة
عن الجري مسرعة لمجرى سمعك
ورؤاك.
7
كصوت خارج من تجواله النفسي
تخرج عواطفك من كلتا يديك
وتمضي لشؤون أيامها.
8
بتعرف شو بحب فيك..!
هي السكينة المسيطرة على ملامح وجهك..
وكمان بحب فيك.. رغبتك بالحكي اللي ما بدك تقولو..
وكمان شغلة تانية.. بحب ضحكة عيونك.. وهني عم يتفرفدوا ع مساحة الدني ليوصلوا جوات قلبي..
بتتذكر غنية فيروز وقت بتقول.. بوسلي عينيه.. !
أنا ما بدي حدا يبوسلي عينيك.. بدي أنا بوسن..
يااااااه.. شو في تفاصيل ما بتنقال.. ووقت تنقال بتفقد قيمتها..
متل شو.؟
متل أنك بلحظة تشعر انو فيك تضم الكون بحضنك.. لأنك خايف عليه.. يمكن يضحكوا عليك لو قلتلن عن هالرغبة..
أو متل وردة الغاردينيا اللي بتطّلع فيها كل اليوم الصبح لتشوف اديش صارت.. وشو بدها توشوشك بس تفتحلك قلبها..
بس بتصدق..!
كل هالحرب ما غيرت من عواطفي.. يعني ضلت متل ما هيي.. لا بل زادت.. يعني ما في شي يمنعني حب عدوي.. واشفق عليه..
أوف.. في حدا بيحب عدوه..!
مبلا.. الحب هون أقوى سلاح.. ما في سلاح مقابل إلو بجبروتو.. أد ما يحاول..
الحب بيهزم القوي.. والبخيل.. والفاجر.. والمنافق.. والكذاب..
بس أكتر شي بخاف منو أنو شي يوم يهزمني..
كيف بدو يهزمك..!
يعني.. تخيل تحب كل الدنيي.. بس هالدنيي قاعدة تحفر بقلبك كل هالأسى..
معقول شعور الأسى شو بيجرح..
متل الرصاصة اللي مرقت من حد كتفي.. ما جرحتني.. بس جرحت الهوا اللي كان عم يلمسني..
ليه ما حدا عم يقدر يستوعب أنو صرنا بلا أهل ولا بلاد..!
مدري مستوعبين بس ما قادرين يعملوا شي..
مدري كلن هيك بدن.. نبقى يتيمين.. اليتم هون بيجي ع مقاس الوجع..
ليك.. أسع .. أسع لأغفى حدك.. بلكي بشوف منامات ما بتجرح.. غفيني بفية عيونك… حاسة هالسقف فوقي رح يوقع ويطحني..
لك كرهت الحرب.. وأهل الحرب.. وتجار الحرب.. وكل اللي عم يرقصوا على صرخاتنا اللي ما عم تطلع..
حاجة اليوم.. بكرا بكفي.. صار لازم قوم وأنطر الصبح عالشباك.. ليكو فاق و رح يمرق.. رح اعملو قهوة لأشربها أنا وياه.. وإنسى معه شوي.. هالموت اللي معبية ريحتو الدني..
9
أنا الجهات المصابة بالهبوب
أفخخ الحب بالطيران
وأفرك الأغنيات بالريح
لتزدحم باللهفة.
10
أفكر في قلقي
قلقي الذي نبت له أقدام
وبدأ يتجول في خيال العالم.
دومينو:عفراء بيزوك
اليوم في 12:26 pm من طرف