وقفــــــة عرفـــــــات

وقفة عرفــات

وقفة عرفات فيها البركات .... فيها الصفحه بترجع فاضيه

مفهاش مكتوب غير الحسنات ... عن كل الأعوام الماضيه

والنفس الأماره بالذات .............. تِرْجع فِطرتها المِهتِدْيَه

ربك يقبل كل الدعوات ........... لو كانت بقلوب مرتضيه

مشغوله وف كل الصلوات ...... بخشوع دايم ليل ويا نهار

تلقاهم فوق قمة عرفات ..... ونفوسهم م الشوق مش هاديه

ــــــــــــــــــــــــــــ

عرفات ساحة كبيره وواسعه .. صحرا وأجمل من بساتين

تِلقى الواقِف واللي بيسعى ...... كله مراعي أصول الدين

فوق للقمه فيه ناس طالعه ........ حتى شيوخ فوق الستين

لو في الصيف الأرض الوالعه ... بتلسوَّع نارها الرجلين

ورغم حرارة الشمس الساطعه . الناس تِلـْمِس كوم أحجار

واللي نفوسهم راضيه وقانعه .. يكفي تشوف الكوم بالعين

ـــــــــــــــــــــــــــ

ناس جياله ماشيه وراكبه ... سايبه ولادها ودارها ومالها

سابت أهل وتركت صُحبَه ........ سدت كل ديونها بحالها

في السعوديه ورغم الغربه ..... ربك عوض خير وادالها

صُحبه جديده وفيها محبه ........... فيها موده تريَّح بالها

كل أملهم حِلم ورغبه ....... يبقوا ف جنه ومش في النار

ودي مسأله سهله ومش صعبه . بس الناس تِخلِص أعمالها

ـــــــــــــــــــــــــــ

يقفوا وقفه قدام خالق .......... كل الناس تشبه بعضيهــا

كله قاصص شعرُه وحالِق ...... طهر نفسُه ومعريهـــــا

تلقى الناس بلسانها الناطق ..... كل لغات العالــــــم فيها

ويبان الكداب م الصادق ...... مهما يداري ويخبيهــــــا

واللي يجادل أو يتخانِق ........... يبقى هوَّ اللي بيختــار

كل الناس في الحق توافِق ...... ويخلوه منبوذ وسطيها

ــــــــــــــــــــــــــ

والله دروس الوقفه كتيره ........ منها الناس تتعلم حاجه

يعرفوا إن حقوق الجيره ...... تغني الواحد وقت الحاجه

يفهموا إن الفـُرقه خطيره يبقوا رخاص ما بيسووش حاجه

تِطمع فيهم ناس شريره ...... ميخلوش في حيلتهم حاجه

لو صح ان الأمه كبيره .......... أمه قويه تِحمي ديـــــار

تِرهب بالسمعه وبالسيره ...... ومتبقاش أبدًا مِحتاجـــه

*************

وقفــــــة عرفـــــــات

وقفــــــة عرفـــــــات :: تعاليق

وقفــــــة عرفـــــــات