عيون الناس

عيون الناس

عيون الناس كتير
بتقول وتتكلـِّــــــــم

تقول حكايات بتِدِّي
دروس وبتعلـِّـــم

يا إما تكون حزينه
ودمعها معلـِّــــــم

يا إما بالهموم
غرقانه تتألـِّـــــــــــــم

عيون تلقاك وهيَّ
بفرحه بتسلـّــــــــِّم

عيون تانيه تخاف منك
وتــــــــدَّارىَ

ــــــــــــــــ

عيون الناس ومنها
ألف صنف ونوع

ولكن بعضها يحكي
بصوت مسموع

وكل حكايه إما يكون
عليها دمُـــــــوع

يا إما منوَّره وكأن
فيها شمـــــــــــوع

وياما عيون ومنها
القلب عاش موجوع

عشان كانت عيون
قاسيه وجبــــــــاره

ــــــــــــــــــــ

عيون حلوه جمالها
ماله أي مثيــــــــل

تشوفها العين تلاقي
القلب ليها يميــــل

وطالع بره من جواها
سهم طويـــــــل

تخلـِّي الصيد يكون
ليها عشيق وخليل

ويفضل فِكـْرُه
مشغول بيها طول الليل

وتسهر روحه مشتاقه
ومحتــــــــــاره

ـــــــــــــــــــ

وعين تانيه تعوز ينـْدّب
فيها رصاص

جريئه تخش بالعافيه
عيون النـــــاس

وترْمي البصَّه ع الخلق
الجميع يحتاس

بتحْسِد كل شيئ م
الرجل حتى الراس

بنظره واحده تنزل زي
حد الفــــــاس

ودايمــــــــــــــا
تبقى متعافيه وغدَّاره

ــــــــــــــــــ

وعين تلقاها دايما
خايفه مرعوبــــــه

عليها النظره فيها
إراده مسلوبـــــــــه

بتتمنـَّى تحب وتبقى
محبوبـــــــــــــه

وتلقى فارس الأحلام
ولو نوبـــــــــه

وخايفه تنتهي
أحلامها بالخيبــــــــــه

وتطلع كل أمنيَّاتها
بخســــــــــــــاره

ــــــــــــــــــ

وعين تلقاها دايما
بالدموع غارقـــــــــه

وبالشكوى من المحبوب
تكون سابقــــه

ويمكن هيّا تبقى ف
الغلط بـــــــــــــادءه

وفوق صدر الحبيب
كابسه عليه وطابقه

دموعها كلها كاذبه
مهيش صادقـــــــــه

بتكدب كل يوم ع الكل
بمهـــــــــــــاره

ــــــــــــــــــ

وعين تبقى بتتعالى
ومتكابــــــــــــــره

ونظراتها تمر على الأمور
عابـــــــره

وصوت النظره أخرس أو
ملوش نبره

ماهيش قابله عيون
الناس ولا صـابره

ومش عامله حســــاب
تحتاجلهم بُكره

وإن الدنيـا دي
أيامهـــــــــــــــا دوَّاره

ـــــــــــــــــــ

وعين تسْحِر عيون
الناس بتسبيلهـــــا

تخليهم يكونوا وراها
وف ديلهــــــــــا

يعبُّوا من بحور
الشوق ويدُّولهـــــــــا

ولاكن لو حبايب جُم
بيسعولهـــــــــــا

وعايزين إنهم
يتوصْلوا بوصالهـــــــا

بترفض حتى إن كانت
لهم جــــــاره

ـــــــــــــــــ

وياما عيون بنارها
الحب بيشعلِـــــــل

تخلي العاشق الولهان
ما يتـْحَمِّــــــــل

ويركع عند محرابها
ويتذلـِّـــــــــــــل

لعل احوالـــــــــه
تتبدِّل وتتعـــــــــدِّل

ويدعي بكل ما ف قلبه
وبيهلـِّـــــــــل

عشان أشواقها تِبقى
ليه كمان حـــاره

ــــــــــــــــــــ

وعين قاسيه تخاف حتى
تبصِّلهـــــــا

ولا تحاول حبال الحب
توْصِلهـــــــــا

ولو رِمْيِّت عليك
النظره تِفـْصِلهـــــــا

وتِمْحي مـــــن
عينيك آثارها وتزيلها

تخـاف تيجي في يوم
تضعف وتقبلها

يكون آخرة حياتك كاس
ف خمَّـــاره

*********

الاستاذ مسعد اسمح لى أقولك

إنت طبيب عيون
ولا اديب شاعر بتعشق الفنون
دمت فى افضل حال

سليمان محمد شاويش كتب:: الاستاذ مسعد اسمح لى أقولك

إنت طبيب عيون
ولا اديب شاعر بتعشق الفنون
دمت فى افضل حال

أخي العزيز الأستاذ سليمان
لو كنت طبيبا للعيون لكنت قادرا على شفائها
ولكني إنسان يري فيتأثر فيصرخ طالبا العون
شكرا جزيلا لتعقيبك البليغ
دمت ودامت مودتك

عيون
الناس كتير
بتقول وتتكلـِّــــــــم

تقول حكايات بتِدِّي
دروس وبتعلـِّـــم

يا إما تكون حزينه
ودمعها معلـِّــــــم

يا إما بالهموم
غرقانه تتألـِّـــــــــــــم

عيون تلقاك وهيَّ
بفرحه بتسلـّــــــــِّم

ائفون من العتمة

خائفون من الصمت

من الضجيج المميت

توقفت الحرب

منذ قليل, لكنهم

لا يصدقون التلفاز

عيون الناس ومنها
ألف صنف ونوع

ولكن بعضها يحكي
بصوت مسموع

وكل حكايه إما يكون
عليها دمُـــــــوع

» عيون الناس
» كيف تكسب حب الناس وتكون شخصا محبوبا بين الناس؟
» القدس في عيون "أقلام جديدة"
» كيف تسيطر علي عقول الناس
» رسالة "التمتين" إلى كل الناس..

عيون الناس

عيون الناس :: تعاليق

عيون الناس

مواضيع مماثلة

مواضيع مماثلة