زمان و أنا صغير::
كنت لماباشوف واحد ملتحي ماشي في الشارع ::
كنت بخاف جداً :: و بحس إنه راجل شرير و عاوز يقتلني
وكنت بمشي من شارع تاني !!
لما كبرت شوية ..
وعقلت
مبقيتش بخاف منهم
بقيت بترعب
كانت فكرتي عنهم "إنهم ناس متطرفين وفاهمين إن الإسلام كله قتل و دمار" ::
بس هم ساكتين عشان بيخططوا
كبرت كمان شوية ..
لقيتهم مش بيعضوا ..
عادي يعني ..
ناس عادية زينا زيهم::
بس فضلت حتة صغيرة ::
إني كنت متأكد إنهم ناس فاهمين الإسلام غلط
أنا مش عارف الإسلام بيتفهم صح إزاي !!
ومش عارف هم فاهمين الإسلام غلط إزاي
بس المهم إنهم غلط وخلاص
تعالوا نتكلم بكل صراحة
هنعمل زوووووووووووم على الناس دي :: و نعرف هم كويسين :: والا وحشين ..
إستنى :: أوعى تفتكر إني هدافع عنهم وأقولك:
دي ناس زي الفل ..
شوف وجهة النظر :: واحكم بنفسك::
ووجهة النظر دي طبقها على أي حد :: مش شرط الملتحين بس
تعالوا نشوف كده في عالمنا ::
لو أي فئة أو مجموعة أو بلد ::
والا أقولك :: تعال نتكلم بأمثلة
شوف معايا المجموعات دي
...:: المسلمين ( كل المسلمين ) هل كلهم كويسين ؟!!!
لأ بالعكس :: ده فيه مسلمين بيحاربوا الإسلام أكتر من أعداء الإسلام !
هل ينفع نقول كل المسلمين وحشين ؟!!
أو إن الإسلام ده وِحِش !!!
أو فيه عيوب
مع العلم إن الإسلام بيأمر بكل معروف :: وبــ ينهي عن كل منكر
يبقى العيب في مين !
...:: المصريين ( كل المصريين)
خطورة التعميم دي بـ تهدم وتبني في لحظة :: وبـ نصطدم مع الواقع في أول مشكلة
لما حصلت الثورة ::
قال لك :
شوف جمال المصريين :: وشوف المصريين قد إيه منظمين ::
وعممنا إن كل المصريين زي الفل ومش فيهم غلطة::
لكن تتفاجأ بكمية المشاكل اللي بتظهر مع البلطجة والسرقة ... إلخ من البلاوي
فهل الغلط في المصريين ككل أو في مصر في حد ذاتها ! ؟
يبقى العيب في مين ؟
مواضيع ذات صلة:
توقيع : همسات حائرة
الحياة عبارة عن محطات نقف فيها أوقات فقط ثم نرحل إلى محطات أخرى
في كل محطة نلتقي بقلوب ووجوه وذكريات وأحاسيس.
منها ما يبقى , ومنها ما نتركه خلفنا.
فيجب أن تترك خلفك كل قلب ووجه لم يقدر مشاعرك مهما كان أثره وحبه في حياتك
لأنك في المحطات القادمة سوف تجد بإذن الله من يقدر مشاعرك. فلا تيأس
فقط ابحث واستمر.
فالعمر لا يقف عند أحد والحب لا يملكه إلا من يستحقه.
زمان وأنا صغير ... قابلت بعبع ::...
اليوم في 1:40 pm من طرف