لبيك لا شريك لك

لبيك لا شريك لك

لبيك لا شريك لك................ والحمد لك يا ربنا

صيحه عظيمه مجلجله ....... فيها الدعاء من قلبنا

بعديها ندبح أضحيه ............ سُنـَّه بداها نبيِّنا

التِلت حق ومُستحَق ........ لجيران فقيره ف حيِّنا

والكل هيعيِّد سعيد .............. وبقلبُه يفـْرَح زيِّنا

يا رب يا عاطي وكريم ......... تِقبلها قـُربان مِنِنا

ـــــــــــــــــــ

مهما اختلفنا ف رأيِّنا .. مهما اتخاصِمنا يا مُسْلِمين

لكن اجتمعنا كلـِّنا ... على صيحه واحده ف كلمتين

لبيك لك لبيك لك ............... لبيك رب العالمين

مالك شريك ولالك ولد .. فرد وصمد مالك قرين

يا رب يا رب القلوب .. زي احنا مابيك مؤمنين

زيل الخِلاف من قلبنا ........ خلينا نِجْمَع شملِنا

ـــــــــــــــــ

يا رب بنكبَّر هِناك .......... ونقول أغِثنا يا إلاه

واحِد بيهتِف بالدعاء ........ والباقي بيردِّد وراه

إنقذ عِبادك يا قوي .... دا الموت بقىَ زي الحياه

في أمَّه ضِعْفِت نخنخِت .. تاهِت وكل مافيها تاه

فيها الخنوع أصبح سِمَه .. والجُبْن واصِل مُنتهاه

قوِّي شعوبنا يا قوي ...... يا رب وامْحِي همِّــنا

ـــــــــــــــــ

لازم نلملِم نفسِنا......... لازم نفوق لازم نقوم

وعشان نوَّحِد صفـِّنا ..... لازم نزيل كل الغيوم

منقولش مين كان السبب .. ولا حد فينا يقوم يلوم

نِمْسِك ف حبل الله المتين .. علشان روابطنا تدوم

نِرْجَع نرَجَّع مجدِنا ........... ونجدِّد العهد القديم

وبيد واحده موَّحده ......... نقـَف في وجه عدوِّنا

ـــــــــــــــــــ

ناخد درُوس من حِجـِنا ........ لمَّا وقِفنا موَّحِدِين

على قلب واحد كلـِّنا ...... والكل مرفوع الإيدين

يدْعِي يقول يا ربنا ....... إنصُرنا ضد المُعتدين

ليه بعد منخلـَّص هِناك .... نرجع بلادنا مشتتين

نِنسىَ اللي كان عندالجبل ........................

...................... ننسى دموع كان ف العنين

رغم ان عرفات والحَرَم .. فيهُم حاجات بتشِدِّنا

***********

لبيك لا شريك لك................ والحمد لك يا ربنا

صيحه عظيمه مجلجله ....... فيها الدعاء من قلبنا

بعديها ندبح أضحيه ............ سُنـَّه بداها نبيِّنا

التِلت حق ومُستحَق ........ لجيران فقيره ف حيِّنا

والكل هيعيِّد سعيد .............. وبقلبُه يفـْرَح زيِّنا

لك الله ولنا والشكر والبركة ان شاء الله يا ابن الكنانة

بن عبد الله كتب:: لبيك لا شريك لك................ والحمد لك يا ربنا

صيحه عظيمه مجلجله ....... فيها الدعاء من قلبنا

بعديها ندبح أضحيه ............ سُنـَّه بداها نبيِّنا

التِلت حق ومُستحَق ........ لجيران فقيره ف حيِّنا

والكل هيعيِّد سعيد .............. وبقلبُه يفـْرَح زيِّنا

لك الله ولنا والشكر والبركة ان شاء الله يا ابن الكنانة

شكرا جزيلا اخي بن عبد الله
شرفني مرورك واسعدني تعقيبك
بارك الله فيك

عضونا الرائع جدا .. الاخ الفاضل مسعد ابن الكنانة الحر الشريف
عيد مبارك .. وكل عام وانت بالف خير وكل الشعب المصري البطل الرائع المسلم المؤمن ,, وكل العالم الاسلامي
سعدت للمرة الالف بالمرور على متصفحك

هشام مزيان كتب:: عضونا الرائع جدا .. الاخ الفاضل مسعد ابن الكنانة الحر الشريف
عيد مبارك .. وكل عام وانت بالف خير وكل الشعب المصري البطل الرائع المسلم المؤمن ,, وكل العالم الاسلامي
سعدت للمرة الالف بالمرور على متصفحك

شكرا جزيلا اخي الأستاذ هشام
وكل عام وحضرتك بخير وسلام اعاده الله عليكم بالسعادة والمحبه
مع خالص تحياتي

» شريك سياسي
» روشتة.. تقبل عيوب شريك الحياة بصدر رحب
» "الزوج شريك... وليس كُل الحياة "
» إليك ماذا يحدث لك عندما تنفصل عن شريك نرجسي
» البحث عن شريك الحياه المثالي..مجرد خيال؟

لبيك لا شريك لك

لبيك لا شريك لك :: تعاليق

لبيك لا شريك لك

مواضيع مماثلة

مواضيع مماثلة